Hvað getur tekið við?

Mér finnst hugmynd frá öldruðum farþega í leigubílnum mínum alltaf betri og betri.

Hann vill fá Rústabjörgunarsveit Landsbjargar til að taka við stjórninni hér meðan stjórnmálaflokkarnir hreinsa sig af þeim þjóðníðingum, föðurlandssvikurum og öðru illa innrættu fólki sem hefur dulist innan um saklausa og auðtrúa skrælingja, meðan þeir rændu nafni og heiðri flokkanna ásamt milljarðasjóðum stærstu fyrirtækja landsins og tóku svo í ofanálag stöðu gegn vanmáttugum og varnarlitlum gjaldmiðlinum með þeim afleiðingum sem sjást á t.d. svívirðilegu eldsneytisverðinu, stórhækkuðu matvælaverði, stökkbreyttum lánum og öðrum nauðsynjum sem hafa margfaldast í verði.

Það væri hægt að segja mörg ljót orð en ég hef kosið að gera það ekki. Ekki frekar en hinir skrælingjarnir sem í blindni sinni dá og dýrka það sem fyrir þá er lagt.

En hugmynd gamla mannsins um Rústabjörgunarsveitina verður alltaf betri og betri finnst mér. 

Mætum öll á Austurvöll en stillum skap okkar í hóf! Það þarf að koma öllum þjóðníðingum, föðurlandssvikurum og illa innrætta fólkinu út úr Alþingi en fyrsta skrefið er að mæta á Austurvöll og næsta skref er að fá Forsetann í lið með okkur með því að skrifa undir á  http://utanthingsstjorn.is/ .

 Ef þetta virkar ekki verður að grípa til annarra ráða.

Boða til mótmæla á morgun

Eftirspurn fullra íbúða?

Finnst eitthvað vera bogið við fyrirsögnina.

Offramboð af tómum íbúðum

Slóðaframboð.

SLÓÐAFRAMBOÐ.
Fyrirspurn til frambjóðenda til sveitarstjórnarkosninga um ætlaða framtíðarsýn varðandi samhæfingu núverandi og fyrirhugaðra samgöngumannvirkja með tilliti til fyrrverandi, núverandi og tilvonandi samgönguaðferða almennings.
Eins og allir vita hefur þjóðin íslenska mátt þola ýmislegt misjafnt í því efnahagslega hruni sem dynur yfir um þessar mundir. Ýmislegt hefur verið sagt og ýmsu verið lofað af ráðamönnum en innheimtumenn virðast hafa frjálsar hendur við upptöku eigna hjá að því er virðist fórnarlömbum brotabankamanna og húseignir og síðast en ekki síst bílar vörslusviftir og boðnir upp án þess að stjórnvöld svo mikið sem blikki augunum.
Nú í tilefni þess að almenningur fær að lötra í kjörklefana til að setja X-ið sitt við þann illskástasta valkost sem viðkomandi telur að í boði sé er ekki úr vegi að einhver taki af skarið og spyrji þá frambjóðendur sem á listunum eru hver þeirra framtíðarsýn er varðandi hestvagnaslóða innan bæjarmarka og ekki síður borgarmarkanna því ekki er víst að allt sé sem sýnist í þessum málaflokki.
Mikið hefur verið rætt um reiðhjól og reiðhjólastíga undanfarið og átak eins og hjólað í vinnuna verið upp á pallborðinu en hestvagnaslóðar og reiðstígar hafa ekki verið nefndir að því er undirritaðan reki minni til þrátt fyrir töluverða hrossaeign landsmanna. Kannski telur enginn lengur þörf á þessum gerðum samgönguleiða þar sem hestar og hestvagnar hafa ekki verið ýkja sýnilegir innan bæjarmarka og hvað þá borgarmarkanna undanfarin misseri nema stöku hross innan hesthúsahverfanna.
Undirritaður telur þónokkrar líkur á að breyting muni verða þar á enda telur undirritaður að stefna bæði núverandi og undanfarandi stjórnvalda varðandi almenna bíleigendur, heimilin, skuldara, atvinnubílstjóra og almenningssamgöngur sé með þeim hætti að einungis sé spurning um hvort komi á undan eggið eða hænan, eða sem sagt í þessu tifelli hestvagnarnir eða hestvagnaslóðarnir.
Undirritaður telur einnig að sú umræða sem farin er af stað varðandi „grænar“ samgöngur eigi einkar vel við hestvagna ásamt því sem yfirdrifin ræktun á eldsneyti á hin einungis eins hestafla fyrirbæri sem knýja vagnana verið stunduð af kappi árum saman á umferðareyjum og hvar sem auður blettur fyrirfinnst þó allir séu auðvitað löngu búnir að gleyma upphaflegum tilgangi áðurnefndrar ræktunar. Miðað við núverandi samgönguaðferðir almennings ætti að vera löngu búið að skipta yfir í ræktun er hentaði betur núverandi allráðandi mergsjúgandi blikkbeljum, svo sem repju enda orðið auðvelt að vinna gjaldeyrissparandi repjuolíu úr þeirri plöntu. Einfaldari leiðin er þó að stuðla að nýtingu núverandi eldsneytisræktunar með gerð fullkomins vagnslóðakerfis og samnýta mætti þá aðgerð með gerð samliggjandi reiðhjólastígakerfis.
Brýnt er að móta stefnu í þessum málum ÁÐUR en bylgja langþreyttra atvinnulausra eignasviftra bíleigenda flykkist af stað að sinna erindum sínum á heimasmíðuðum vögnum sínum dregnum af dritandi fyrrum en einnig líklegasta tilvonandi þarfasta þjóninum og mikilvægt að afstaða frambjóðenda komi skýrt fram í þessu þjóðþrifa máli svo hægt verði að forðast skammsýnustu valkostina þegar í kjörklefann er komið.
Athugasemdir og svör berist á www.moldarkofi.blog.is

Virðingarfyllst ;-) Björgvin Kristinsson leigubílstjóri.

Flokksgæðingarnir í Orkuveitunni.

Hvað gera flokksgæðingarnir í Orkuveitunni til að refsa borgarbúum ef úrslit kosninganna verða eitthvað í námunda við skoðanakannanir?

Jón Gnarr vill stólinn

Bætt úr brýnni þörf fyrir notaða bíla???

Ég sem hélt að það væru allar bílasölur yfirfullar af notuðum bílum. Og hafiði séð göturnar fyrst á morgnanna og svo síðdegis. Nei ekki ég heldur. Það eru samfelldar raðir af notuðum bílum sem þekja gatnakerfið í heild sinni.
Það vantar nothæfar almenningssamgöngur!!! ...ekki fleiri bíla takk fyrir!
En flott auðvitað að lækka höfuðstól lánanna. Verst að heildarendurgreiðsla lánanna verður sú sama ef ekki hærri skv. útreikningum almestu spekinganna. Einn þeirra kom í viðtal á Bylgjunni og upplýsti sauðsvartan almenninginn um hérlegheitin og þar á meðal mig :-D

Bílasala að glæðast

Árinni kennir illur...

Auðvitað verður að koma sökinni á okkur hérna á litla sæta skerinu norður í ra...... Það er jú í tísku um þessar mundir, eða hvað?
En árinni kennir illur ræðari.

Georgía tapar á gosinu

Tóm heppni?

Heppnir þeir hjá Heklu að vera með tóma sigurvegara... eða hvað?
Þeir verða kannski aldrei tómir? :-D :-D :-D
Hvað eru dísel fólksbílarnir ykkar að eyða?

Eyddi 2,93 lítrum á hundraðið

Þrefalt húrra...

Þrefalt húrra fyrir slökkviliðsmönnunum :-)

Búið að slökkva sinueldana

Austfjarðaþokan...

Er ekki nóg að hafa króníska þoku á austfjörðunum?
Spyr sá sem ekki veit...

Móðgun við Húsvíkinga

Annað BMW klessutímabil?

Man eftir tímabili fyrir 3-4 árum þegar BMW bílar voru eins og hráviði fyrir utan vegi, vafðir utanum ljósastaura og svo frv. og það fór allavegana 1 stk ofan í Reykjavíkurtjörn á mjög óskiljanlegan hátt...

Staurinn klauf vélarhúsið í tvennt